اپنے بچوں کی تربیت کا آسان سا کلیہ Training of the Kids

اپنے بچوں کی تربیت کا آسان سا کلیہ...

آپ کا بیٹا جب اسکول جا رہا ہو اور آپ اسے رخصت کر رہی ہوں تو اس کے ٹفن میں کھانے کی چیز دو عدد رکھیں اور اس سے کہیں : ایک تمہارے لیے ہے اور دوسرا  تمہارے سب سے بہترین دوست کے لیے. 
اس طرح آپ کا بچہ محبت اور احسان کا سبق سیکھے گا.

بچے کے بیگ میں قلم ایک سے زائد رکھیں  اور اس سے کہیں : اگر کوئی اسٹوڈنٹ اپنا قلم بھول جائے تو آپ مدد کے طور پر یہ قلم اس کو آج دن کیلئے دے دینا.
اس طرح آپ کا بچہ اپنی ذمہ داریاں اور دوسروں کی مدد کرنے کا جذبہ سیکھے گا.

جب بچہ گھر واپس آئے تو اسے بتائیں کہ اس کے آنے سے گھر کی رونق بڑھ جاتی ہے.
اس طرح اسے اپنی قدر و قیمت کا اندازہ ہوگا.

جب وہ گھر لوٹے تو اس سے پوچھیں : آج آپ نے سب سے اچھا کام کیا کیا ہے؟
اس کے علاوہ کیا کیا کام کئے ہیں سکول میں۔۔۔۔؟؟؟
اس طرح اسے اچھے برے کی تمیز ہوگی اور اگلی بار وہ آپ کے بغیر پوچھے آپ کو بتائے گا.

تربیت ایک سادہ اور آسان سا فن ہے،   زبان سے لمبی چوڑی تقریر کرنے کا نام تربیت نہیں ہے.