ادبی لطیفے

*ادبی لطیفے*
۔۔۔۔۔۔۔۔۔۔۔۔۔۔۔۔

*جوش ملیح آبادی:*
ﺟﻮﺵ ﻧﮯ ﭘﺎﮐﺴﺘﺎﻥ ﻣﯿﮟ ﺍﯾﮏ ﺑﮩﺖ ﺑﮍﮮ ﻭﺯﯾﺮ ﮐﻮ ﺍﺭﺩﻭ ﻣﯿﮟ ﺧﻂ ﻟﮑﮭﺎ۔ ﻟﯿﮑﻦ ﺍﺱ ﮐﺎ ﺟﻮﺍﺏ ﺍﻧﮩﻮﮞ ﻧﮯ ﺍﻧﮕﺮﯾﺰﯼ ﻣﯿﮟ ﺩﯾﺎ۔ ﺟﻮﺍﺏ ﻣﯿﮟ ﺟﻮﺵ ﻧﮯ ﺍﻧﮩﯿﮟ ﻟﮑﮭﺎ:
"ﺟﻨﺎﺏِ ﻭﺍﻻ، ﻣﯿﮟ ﻧﮯ ﺗﻮ ﺁﭖ ﮐﻮ ﺍﭘﻨﯽ ﻣﺎﺩﺭﯼ ﺯﺑﺎﻥ ﻣﯿﮟ ﺧﻂ ﻟﮑﮭﺎ ﺗﮭﺎ۔ ﻟﯿﮑﻦ ﺁﭖ ﻧﮯ ﺍﺱ ﮐﺎ ﺟﻮﺍﺏ ﺍﭘﻨﯽ ﭘﺪﺭﯼ ﺯﺑﺎﻥ ﻣﯿﮟ ﺗﺤﺮﯾﺮ ﻓﺮﻣﺎﯾﺎ ﮨﮯ"۔
۔۔۔۔۔۔۔۔۔۔۔۔۔۔۔۔
‏ﺍﯾﮏ ﻣﻮﻻﻧﺎ ﮐﮯ ﺟﻮﺵ ﺻﺎﺣﺐ ﮐﮯ ﺳﺎﺗﮫ ﺑﮩﺖ ﺍﭼﮭﮯ ﺗﻌﻠﻘﺎﺕ ﺗﮭﮯ۔ﮐﺌﯽ ﺭﻭﺯ ﮐﯽ ﻏﯿﺮ ﺣﺎﺿﺮﯼ ﮐﮯ ﺑﻌﺪ ﻣﻠﻨﮯ ﺁﺋﮯ ﺗﻮ ﺟﻮﺵ ﺻﺎﺣﺐ ﻧﮯ ﻭﺟﮧ ﭘﻮﭼﮭﯽ۔ ﮐﮩﻨﮯ ﻟﮕﮯ:
ﮐﯿﺎ ﺑﺘﺎﺅﮞ ﺟﻮﺵ ﺻﺎﺣﺐ، ﭘﮩﻠﮯ ﺍﯾﮏ ﮔﺮﺩﮮ ﻣﯿﮟ ﭘﺘﮭﺮﯼ ﺗﮭﯽ ﺍﺱ ﮐﺎ ﺁﭘﺮﯾﺸﻦ ﮨﻮﺍ۔ ﺍﺏ ﺩﻭﺳﺮﮮ ﮔﺮﺩﮮ ﻣﯿﮟ ﭘﺘﮭﺮﯼ ﮨﮯ۔
ﻣﯿﮟ ﺳﻤﺠﮫ ﮔﯿﺎ۔ ﺟﻮﺵ ﺻﺎﺣﺐ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔ ﺍﻟﻠﻪ ﺗﻌﺎﻟﯽٰ ﺁﭖ ﮐﻮ ﺍﻧﺪﺭ ﺳﮯ ﺳﻨﮕﺴﺎﺭ ﮐﺮ ﺭﮨﺎ ﮨﮯ۔
۔۔۔۔۔۔۔۔۔۔۔۔۔۔۔۔
‏ﮐﺴﯽ ﻣﺸﺎﻋﺮﮮ ﻣﯿﮟ ﺍﯾﮏ ﻧﻮ ﻣﺸﻖ ﺷﺎﻋﺮ ﺍﭘﻨﺎ ﻏﯿﺮ ﻣﻮﺯﻭﮞ ﮐﻼﻡ ﭘﮍﮪ ﺭﮨﮯ ﺗﮭﮯ۔ ﺍﮐﺜﺮ ﺷﻌﺮﺍﺀ ﺁﺩﺍﺏِ ﻣﺤﻔﻞ ﮐﻮ ﻣﻠﺤﻮﻅ ﺭﮐﮭﺘﮯ ﮨﻮﺋﮯ ﺧﺎﻣﻮﺵ ﺗﮭﮯ ﻟﯿﮑﻦ ﺟﻮﺵ ﺻﺎﺣﺐ ﭘﻮﺭﮮ ﺟﻮﺵ ﻭ ﺧﺮﻭﺵ ﺳﮯ ﺍﯾﮏ ﺍﯾﮏ ﻣﺼﺮﻋﮯ ﭘﺮ ﺩﺍﺩﻭ ﺗﺤﺴﯿﻦ ﮐﯽ ﺑﺎﺭﺵ ﮐئے ﺟﺎ ﺭﮨﮯ ﺗﮭﮯ۔ ﮔﻮﭘﯽ ﻧﺎﺗﮫ ﺍﻣﻦ ﻧﮯ ﭨﻮﮐﺘﮯ ﮨﻮﺋﮯ ﭘﻮﭼﮭﺎ: ﻗﺒﻠﮧ، ﯾﮧ ﺁﭖ ﮐﯿﺎ ﮐﺮ ﺭﮨﮯ ﮨﯿﮟ؟
ﺟﻮﺵ ﺻﺎﺣﺐ ﻧﮯ ﺑﮩﺖ ﺳﻨﺠﯿﺪﮔﯽ ﺳﮯ ﺟﻮﺍﺏ ﺩﯾﺎ: ﻣﻨﺎﻓﻘﺖ۔
ﺍﻭﺭ ﭘﮭﺮ ﺩﺍﺩ ﺩﯾﻨﮯ ﻣﯿﮟ ﻣﺼﺮﻭﻑ ﮨﻮ ﮔﺌﮯ۔
۔۔۔۔۔۔۔۔۔۔۔۔۔۔۔۔۔۔۔
*ﺷﻮﮐﺖ ﺗﮭﺎﻧﻮﯼ:*
ﭘﻨﺠﺎﺏ ﯾﻮﻧﯿﻮﺭﺳﭩﯽ ﮐﮯ ﺭﺟﺴﭩﺮﺍﺭ ﺍﯾﺲ ﭘﯽ ﺳﻨﮕﮭﺎ ﮐﮯ ﮔﯿﺎﺭﮦ ﺑﭽﻮﮞ ﮐﮯ ﻧﺎﻡ ﮐﺎ ﺁﺧﺮﯼ ﺣﺼﮧ “ﺳﻨﮕﮭﺎ” ﺗﮭﺎ۔ ﺟﺐ ﺍﻥ ﮐﮯ ﮨﺎﮞ ﺑﺎﺭﮨﻮﺍﮞ ﻟﮍﮐﺎ ﭘﯿﺪﺍ ﮨﻮﺍ ﺗﻮ ﺷﻮﮐﺖ ﺗﮭﺎﻧﻮﯼ ﺳﮯ ﻣﺸﻮﺭﮦ ﮐﯿﺎ ﮐﮧ ﺍﺱ ﮐﺎ ﮐﯿﺎ ﻧﺎﻡ ﺭﮐﮭﻮﮞ۔ ﺍﺱ ﭘﺮ ﺷﻮﮐﺖ ﺻﺎﺣﺐ ﻧﮯ ﺑﮯ ﺳﺎﺧﺘﮧ ﮐﮩﺎ:
ﺁﭖ ﺍﺱ ﮐﺎ ﻧﺎﻡ ﺑﺎﺭﮦ ﺳﻨﮕﮭﺎ ﺭﮐﮫ ﺩﯾﺠﯿﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺍﯾﮏ ﻧﺎﺷﺮ ﻧﮯ ﮐﺘﺎﺑﻮﮞ ﮐﮯ ﻧﺌﮯ ﮔﺎﮨﮏ ﺳﮯ ﺷﻮﮐﺖ ﺗﮭﺎﻧﻮﯼ ﮐﺎ ﺗﻌﺎﺭﻑ ﮐﺮﺍﺗﮯ ﮨﻮﺋﮯ ﮐﮩﺎ: ﺁﭖ ﺟﺲ ﺷﺨﺺ ﮐﺎ ﻧﺎﻭﻝ ﺧﺮﯾﺪ ﺭﮨﮯ ﮨﯿﮟ ﻭﮦ ﯾﮩﯽ ﺫﺍﺕ ﺷﺮﯾﻒ ﮨﯿﮟ۔ ﻟﯿﮑﻦ ﯾﮧ ﭼﮩﺮﮮ ﺳﮯ ﺟﺘﻨﮯ ﺑﮯ ﻭﻗﻮﻑ ﻣﻌﻠﻮﻡ ﮨﻮﺗﮯ ﮨﯿﮟ ﺍﺗﻨﮯ ﮨﯿﮟ ﻧﮩﯿﮟ۔
ﺷﻮﮐﺖ ﺗﮭﺎﻧﻮﯼ ﻧﮯ ﻓﻮﺭﺍً ﮐﮩﺎ:
ﺟﻨﺎﺏ ﻣﺠﮫ ﻣﯿﮟ ﺍﻭﺭ ﻣﯿﺮﮮ ﻧﺎﺷﺮ ﻣﯿﮟ ﯾﮩﯽ ﺑﮍﺍ ﻓﺮﻕ ﮨﮯ۔ ﯾﮧ ﺟﺘﻨﮯ ﺑﮯ ﻭﻗﻮﻑ ﮨﯿﮟ، ﭼﮩﺮﮮ ﺳﮯ ﻣﻌﻠﻮﻡ ﻧﮩﯿﮟ ﮨﻮﺗﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*پطرس بخاری:*
ﮐﺮﻧﻞ ﻣﺠﯿﺪ ﻧﮯ ﺍﯾﮏ ﺩﻓﻌﮧ ﭘﻄﺮﺱ ﺑﺨﺎﺭﯼ ﺳﮯ ﮐﮩﺎ: ﺍﮔﺮ ﺁﭖ ﺍﭘﻨﮯ ﻣﻀﺎﻣﯿﻦ ﮐﺎ ﻣﺠﻤﻮﻋﮧ ﭼﮭﭙﻮﺍﺋﯿﮟ ﺗﻮ ﺍﺱ ﮐﺎ ﻧﺎﻡ ﺻﺤﯿﺢ ﺑﺨﺎﺭﯼ ﺭﮐﮭﯿﮟ۔
ﭘﻄﺮﺱ ﻧﮯ ﺟﻮﺍﺏ ﺩﯾﺎ: ﺍﻭﺭ ﺍﮔﺮ ﺁﭖ ﺍﭘﻨﯽ ﻧﻈﻤﻮﮞ ﮐﺎ ﻣﺠﻤﻮﻋﮧ ﭼﮭﭙﻮﺍﺋﯿﮟ ﺗﻮ ﺍﺱ ﮐﺎ ﻧﺎﻡ ﮐﻼﻡ ﻣﺠﯿﺪ ﺭﮐﮭﯿﮟ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*ﺍﺳﺮﺍﺭﺍﻟﺤﻖ ﻣﺠﺎﺯ:*
‏ﺭﺍﺕ ﮐﺎ ﻭﻗﺖ ﺗﮭﺎ۔ ﻣﺠﺎﺯ ﮐﺴﯽ ﻣﯿﺨﺎﻧﮯ ﺳﮯ ﻧﮑﻞ ﮐﺮ ﯾﻮﻧﯿﻮﺭﺳﭩﯽ ﺭﻭﮈ ﭘﺮ ﺗﺮﻧﮓ ﻣﯿﮟ ﺟﮭﻮﻣﺘﮯ ﮨﻮﺋﮯ ﭼﻠﮯ ﺟﺎ ﺭﮨﮯ ﺗﮭﮯ۔ ﺍﺳﯽ ﺍﺛﻨﺎ ﻣﯿﮟ ﺍُﺩﮬﺮ ﺳﮯ ﺍﯾﮏ ﺗﺎﻧﮕﺎ ﮔﺰﺭﺍ۔ ﻣﺠﺎﺯ ﻧﮯ ﺍﺳﮯ ﺁﻭﺍﺯ ﺩﯼ، ﺗﺎﻧﮕﮧ ﺭﮎ ﮔﯿﺎ۔ ﻣﺠﺎﺯ ﺍﺱ ﮐﮯ ﻗﺮﯾﺐ ﺁﺋﮯ ﺍﻭﺭ ﻟﮩﺮﺍ ﮐﺮ ﺑﻮﻟﮯ: ﺍﻣﺎﮞ، ﺻﺪﺭ ﺟﺎﺅ ﮔﮯ؟ ﺗﺎﻧﮕﮯ ﻭﺍﻟﮯ ﻧﮯ ﺟﻮﺍﺏ ﺩﯾﺎ ”:ﮨﺎﮞ ، ﺟﺎﺅﮞ ﮔﺎ “
”ﺍﭼﮭﺎ ﺗﻮ ﺟﺎﺅ “!----- ﯾﮧ ﮐﮩﮧ ﮐﺮ ﻣﺠﺎﺯ ﻟﮍﮬﮑﺘﮯ ﮨﻮﺋﮯ ﺁﮔﮯ ﺑﮍﮪ ﮔﺌﮯ۔
۔۔۔۔۔۔۔۔۔۔۔۔۔۔۔۔۔۔۔۔۔
‏ﻣﺠﺎﺯ ﺍﻭﺭ ﻓﺮﺍﻕ ﮐﮯ ﺩﺭﻣﯿﺎﻥ ﮐﺎﻓﯽ ﺳﻨﺠﯿﺪﮔﯽ ﺳﮯ ﮔﻔﺘﮕﻮ ﮨﻮ ﺭﮨﯽ ﺗﮭﯽ۔ ﺍﯾﮏ ﺩﻡ ﻓﺮﺍﻕ ﮐﺎ ﻟﮩﺠﮧ ﺑﺪﻻ ﺍﻭﺭ ﺍﻧﮩﻮﮞ ﻧﮯ ﮨﻨﺴﺘﮯ ﮨﻮﺋﮯ ﭘﻮﭼﮭﺎ:
”ﻣﺠﺎﺯ ! ﺗﻢ ﻧﮯ ﮐﺒﺎﺏ ﺑﯿﭽﻨﮯ ﮐﯿﻮﮞ ﺑﻨﺪ ﮐﺮ ﺩﯾﮯ؟ “
”ﺁﭖ ﮐﮯ ﮨﺎﮞ ﺳﮯ ﮔﻮﺷﺖ ﺁﻧﺎ ﺟﻮ ﺑﻨﺪ ﮨﻮ ﮔﯿﺎ۔“
ﻣﺠﺎﺯ ﻧﮯ ﺍﺳﯽ ﺳﻨﺠﯿﺪﮔﯽ ﺳﮯ ﻓﻮﺭﺍً ﺟﻮﺍﺏ ﺩﯾﺎ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
‏ﻣﺠﺎﺯ ﺗﻨﮩﺎ ﮐﺎﻓﯽ ﮨﺎﺅﺱ ﻣﯿﮟ ﺑﯿﭩﮭﮯ ﺗﮭﮯ ﮐﮧ ﺍﯾﮏ ﺻﺎﺣﺐ ﺟﻮ ﺍﻥ ﮐﻮ ﺟﺎﻧﺘﮯ ﻧﮩﯿﮟ ﺗﮭﮯ، ﺍﻥ ﮐﮯ ﺳﺎﺗﮫ ﻭﺍﻟﯽ ﮐﺮﺳﯽ ﭘﺮ ﺁ ﺑﯿﭩﮭﮯ۔ ﮐﺎﻓﯽ ﮐﺎ ﺁﺭﮈﺭ ﺩﮮ ﮐﺮ ﺍﻧﮩﻮﮞ ﻧﮯ ﺍﭘﻨﯽ ﮐﻦ ﺳُﺮﯼ ﺁﻭﺍﺯ ﻣﯿﮟ ﮔﻨﮕﻨﺎﻧﺎ ﺷﺮﻭﻉ ﮐﯿﺎ:
ﺍﺣﻤﻘﻮﮞ ﮐﯽ ﮐﻤﯽ ﻧﮩﯿﮟ ﻏﺎﻟﺐ - ﺍﯾﮏ ﮈﮬﻮﻧﮉﻭ، ﮨﺰﺍﺭ ﻣﻠﺘﮯ ﮨﯿﮟ
ﻣﺠﺎﺯ ﻧﮯ ﺍﻥ ﮐﯽ ﻃﺮﻑ ﺩﯾﮑﮭﺘﮯ ﮨﻮﺋﮯ ﮐﮩﺎ:
”ﮈﮬﻮﻧﮉﻧﮯ ﮐﯽ ﻧﻮﺑﺖ ﮨﯽ ﮐﮩﺎﮞ ﺁﺗﯽ ﮨﮯ ﺣﻀﺮﺕ! ﺧﻮﺩ ﺑﺨﻮﺩ ﺗﺸﺮﯾﻒ ﻟﮯ ﺁﺗﮯ ﮨﯿﮟ۔“
۔۔۔۔۔۔۔۔۔۔۔۔۔۔۔۔۔۔۔۔۔۔
‏ﮐﺴﯽ ﻣﺸﺎﻋﺮﮮ ﻣﯿﮟ ﻣﺠﺎﺯ ﺍﭘﻨﯽ ﻏﺰﻝ ﭘﮍﮪ ﺭﮨﮯ ﺗﮭﮯ۔ ﻣﺤﻔﻞ ﭘﻮﺭﮮ ﺭﻧﮓ ﭘﺮ ﺗﮭﯽ ﺍﻭﺭ ﺳﺎﻣﻌﯿﻦ ﺧﺎﻣﻮﺷﯽ ﮐﮯ ﺳﺎﺗﮫ ﮐﻼﻡ ﺳﻦ ﺭﮨﮯ ﺗﮭﮯ ﮐﮧ ﺍﺗﻨﮯ ﻣﯿﮟ ﮐﺴﯽ ﺧﺎﺗﻮﻥ ﮐﯽ ﮔﻮﺩ ﻣﯿﮟ ﺍﻥ ﮐﺎ ﺷﯿﺮ ﺧﻮﺍﺭ ﺑﭽﮧ ﺯﻭﺭ ﺯﻭﺭ ﺳﮯ ﺭﻭﻧﮯ ﻟﮕﺎ۔ ﻣﺠﺎﺯ ﻧﮯ ﺍﭘﻨﯽ ﻏﺰﻝ ﮐﺎ ﺷﻌﺮ ﺍﺩﮬﻮﺭﺍ ﭼﮭﻮﮌﺗﮯ ﮨﻮﺋﮯ ﺣﯿﺮﺍﻥ ﮨﻮ ﮐﺮ ﭘﻮﭼﮭﺎ: ﺑﮭﺌﯽ!
ﯾﮧ ﻧﻘﺶ ﻓﺮﯾﺎﺩﯼ ﮨﮯ ﮐﺲ ﮐﯽ ﺷﻮﺧﯽِ ﺗﺤﺮﯾﺮ ﮐﺎ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺳﻮﺯ ﺷﺎﮨﺠﮩﺎﻧﭙﻮﺭﯼ ﺍﯾﮏ ﺩﻥ لکھنؤ ﮐﺎﻓﯽ ﮨﺎﺅﺱ ﺁ ﮔﺌﮯ ﺍﻭﺭ ﻣﺠﺎﺯ کی میز  ﭘﺮ ﺁﻥ ﺑﯿﭩﮭﮯ۔ ﮐﮩﻨﮯ ﻟﮕﮯ: ﺑﮭﺎﺋﯽ ﻣﺠﺎﺯ! ﻣﯿﮟ ﻧﮯ ﺍﭘﻨﺎ ﻣﺠﻤﻮﻋﮧٴ ﮐﻼﻡ ﺗﻮ ﻣﺮﺗﺐ ﮐﺮ ﻟﯿﺎ ﮨﮯ۔ﺍﺏ ﺍﺱ ﮐﮯ ﻟﯿﮯ ﮐﺴﯽ ﻣﻮﺯﻭﮞ ﻧﺎﻡ ﮐﯽ ﺗﻼﺵ ﮨﮯ۔ ﮐﻮﺋﯽ ﺍﯾﺴﺎ ﻧﺎﻡ ﮨﻮ ﺟﻮ ﻧﯿﺎ ﺑﮭﯽ ﮨﻮ ﺍﻭﺭ ﺟﺲ ﻣﯿﮟ ﻣﯿﺮﮮ ﻧﺎﻡ ﮐﯽ ﺭﻋﺎﯾﺖ ﺑﮭﯽ ﮨﻮ۔
ﻣﺠﺎﺯ ﻧﮯ ﺑﺮﺟﺴﺘﮧ ﮐﮩﺎ : ”ﺳﻮﺯﺍﮎ ﺭﮐﮫ ﻟﻮ۔“
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﮐﺴﯽ ﺻﺎﺣﺐ ﻧﮯ ﺍﯾﮏ ﺑﺎﺭ ﻣﺠﺎﺯ ﺳﮯ ﭘﻮﭼﮭﺎ:
ﮐﯿﻮﮞ ﺻﺎﺣﺐ! ﺁﭖ ﮐﮯ ﻭﺍﻟﺪﯾﻦ ﺁﭖ ﮐﯽ ﺭِﻧﺪﺍﻧﮧ ﺑﮯ ﺍﻋﺘﺪﺍﻟﯿﻮﮞ ﭘﺮ ﮐﭽﮫ ﺍﻋﺘﺮﺍﺽ ﻧﮩﯿﮟ ﮐﺮﺗﮯ؟
ﻣﺠﺎﺯ ﻧﮯ ﮐﮩﺎ: ﺟﯽ ﻧﮩﯿﮟ۔
ﭘﻮﭼﮭﻨﮯ ﻭﺍﻟﮯ ﻧﮯ ﮐﮩﺎ: ﮐﯿﻮﮞ؟ ﻣﺠﺎﺯ ﻧﮯ ﮐﮩﺎ:
”ﻟﻮﮔﻮﮞ ﮐﯽ ﺍﻭﻻﺩ ﺳﻌﺎﺩﺕ ﻣﻨﺪ ﮨﻮﺗﯽ ﮨﮯ۔ ﻣﮕﺮ ﻣﯿﺮﮮ ﻭﺍﻟﺪﯾﻦ ﺳﻌﺎﺩﺕ ﻣﻨﺪ ﮨﯿﮟ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*فراق ﮔﻮﺭﮐﮭﭙﻮﺭﯼ:*
ﮈﺍﮐﭩﺮ ﺍﻋﺠﺎﺯ ﺣﺴﯿﻦ ﺍﻟٰﮧ ﺁﺑﺎﺩ ﯾﻮﻧﯿﻮﺭﺳﭩﯽ ﻣﯿﮟ ﻏﺰﻝ ﭘﮍﮬﺎ ﺭﮨﮯ ﺗﮭﮯ۔ ﻓﺮﺍﻕ ﺻﺎﺣﺐ ﺑﮭﯽ ﻭﮨﺎﮞ ﺑﯿﭩﮭﮯ ﺗﮭﮯ۔
ﺍﻧﮩﻮﮞ ﻧﮯ ﮈﺍﮐﭩﺮ ﺍﻋﺠﺎﺯ ﺣﺴﯿﻦ ﺳﮯ ﭘﻮﭼﮭﺎ:
ﺍﯾﺴﺎ ﮐﯿﻮﮞ ﮐﮩﺎ ﺟﺎﺗﺎ ﮨﮯ ﮐﮧ ﻏﺰﻝ ﮔﻮ ﺷﻌﺮﺍﺀ ﻋﺎﻡ ﻃﻮﺭ ﺳﮯ ﺑﺪ ﮐﺮﺩﺍﺭ ﮨﻮﺗﮯ ﮨﯿﮟ۔
ﺍﻋﺠﺎﺯ ﺻﺎﺣﺐ ﺑﺮﺟﺴﺘﮧ ﺑﻮﻟﮯ: ﺍﻥ ﮐﮯ ﺳﺎﻣﻨﮯ ﺁﭖ ﮐﯽ ﻣﺜﺎﻝ ﺭﮨﺘﯽ ﮨﮯ۔
ﮐﻼﺱ ﻣﯿﮟ ﺍﯾﮏ ﺯﺑﺮﺩﺳﺖ ﻗﮩﻘﮩﮧ ﭘﮍﺍ ﺍﻭﺭ ﻓﺮﺍﻕ ﺻﺎﺣﺐ ﮐﯽ ﺁﻭﺍﺯ ﻗﮩﻘﮩﻮﮞ ﻣﯿﮟ ﺩﺏ ﮔﺌﯽ، ﺟﻮ ﺍﺏ ﺑﮭﯽ ﮐﭽﮫ ﮐﮩﻨﺎ ﭼﺎﮨﺘﮯ ﺗﮭﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔
‏ﺗﻘﺮﯾﺒﺎً ۱۹۴۴ ﺀ ﻣﯿﮟ ﺍﯾﮏ ﺑﺎﺭ ﺟﻮﺵ ﻣﻠﯿﺢ ﺁﺑﺎﺩﯼ ﺍﻟٰﮧ ﺁﺑﺎﺩ ﯾﻮﻧﯿﻮﺭﺳﭩﯽ ﻣﯿﮟ ﮔﺌﮯ۔ ﺍﺩﺑﯽ ﺗﻘﺮﯾﺐ ﻣﯿﮟ ﮈﺍﺋﺲ ﭘﺮ ﺟﻮﺵ ﻋﻼﻭﮦ ﻓﺮﺍﻕ ﺑﮭﯽ ﻣﻮﺟﻮﺩ ﺗﮭﮯ۔ ﺟﻮﺵ ﻧﮯ ﺍﭘﻨﯽ ﻃﻮﯾﻞ ﻧﻈﻢ ﺣﺮﻑِ ﺁﺧﺮ ﮐﺎ ﺍﯾﮏ ﺍﻗﺘﺒﺎﺱ ﭘﮍﮬﺎ۔ ﺍﺱ ﻣﯿﮟ ﺗﺨﻠﯿﻖِ ﮐﺎﺋﻨﺎﺕ ﮐﯽ ﺍﺑﺘﺪﺍﺀ ﻣﯿﮟ ﺷﯿﻄﺎﻥ ﮐﯽ ﺯﺑﺎﻧﯽ ﮐﭽﮫ ﺷﻌﺮ ﮨﯿﮟ۔ ﺟﻮﺵ ﺷﯿﻄﺎﻥ ﮐﮯ ﺍﻗﻮﺍﻝ ﭘﺮ ﻣﺸﺘﻤﻞ ﮐﭽﮫ ﺍﺷﻌﺎﺭ ﺳﻨﺎﻧﮯ ﻭﺍﻟﮯ ﺗﮭﮯ ﮐﮧ ﻓﺮﺍﻕ ﻧﮯ ﺳﺎﻣﻌﯿﻦ ﺳﮯ ﮐﮩﺎ: ﺳﻨﯿﮯ ﺣﻀﺮﺍﺕ، ﺷﯿﻄﺎﻥ ﮐﯿﺎ ﺑﻮﻟﺘﺎ ﮨﮯ؟ ﺍﻭﺭ ﺍﺱ ﮐﮯ ﺑﻌﺪ ﺟﻮﺵ ﮐﻮ ﺑﻮﻟﻨﮯ ﮐﺎ ﺍﺷﺎﺭﮦ ﮐﯿﺎ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
‏ﻓﺮﺍﻕ ﮔﻮﺭﮐﮭﭙﻮﺭﯼ ﺳﮯ ﮐﺴﯽ ﻧﮯ ﭘﻮﭼﮭﺎ:
ﺑﺤﯿﺜﯿﺖ ﺷﺎﻋﺮ ﺁﭖ ﺍﻭﺭ ﺟﻮﺵ ﺻﺎﺣﺐ ﻣﯿﮟ ﮐﯿﺎ ﻓﺮﻕ ﮨﮯ؟
ﻓﺮﺍﻕ ﻧﮯ ﺍﭘﻨﯽ ﺑﮍﯼ ﺑﮍﯼ ﻭﺣﺸﺖ ﻧﺎﮎ ﺁﻧﮑﮭﯿﮟ ﻣﭩﮑﺎﺗﮯ ﮨﻮﺋﮯ ﮐﮩﺎ: ﺟﻮﺵ ﻣﻮﺿﻮﻉ ﺳﮯ ﻣﺘﺎﺛﺮ ﮨﻮﺗﺎ ﮨﮯ ﺍﻭﺭ ﻣﯿﮟ ﻣﻮﺿﻮﻉ ﮐﻮ ﻣﺘﺎﺛﺮ ﮐﺮﺗﺎ ﮨﻮﮞ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺍﯾﮏ ﻣﺸﺎﻋﺮﮮ ﻣﯿﮟ ﮨﺮ ﺷﺎﻋﺮ ﮐﮭﮍﮮ ﮨﻮ ﮐﺮ ﺍﭘﻨﺎ ﮐﻼﻡ ﺳﻨﺎ ﺭﮨﺎ ﺗﮭﺎ۔ ﻓﺮﺍﻕ ﺻﺎﺣﺐ ﮐﯽ ﺑﺎﺭﯼ ﺁﺋﯽ ﺗﻮ ﻭﮦ ﺑﯿﭩﮭﮯ ﺭﮨﮯ ﺍﻭﺭ ﻣﺎﺋﯿﮏ ﺍﻥ ﮐﮯ ﺳﺎﻣﻨﮯ ﻻ ﮐﺮ ﺭﮐﮫ ﺩﯾﺎ ﮔﯿﺎ۔ ﻣﺠﻤﻊ ﺳﮯ ﺍﯾﮏ ﺷﻮﺭ ﺑﻠﻨﺪ ﮨﻮﺍ: ﮐﮭﮍﮮ ﮨﻮ ﮐﺮ ﭘﮍﮬﯿﮯ- ﮐﮭﮍﮮ ﮨﻮ ﮐﺮ ﭘﮍﮬﯿﮯ۔
ﺟﻮ ﺷﻮﺭ ﺫﺭﺍ ﺗﮭﻤﺎ ﺗﻮ ﻓﺮﺍﻕ ﺻﺎﺣﺐ ﻧﮯ ﺑﮩﺖ ﻣﻌﺼﻮﻣﯿﺖ ﮐﮯ ﺳﺎﺗﮫ ﻣﺎﺋﯿﮏ ﭘﺮ ﺍﻋﻼﻥ ﮐﯿﺎ: ﻣﯿﺮﮮ ﭘﺎﺟﺎﻣﮯ ﮐﺎ ﮈﻭﺭﺍ ﭨﻮﭨﺎ ﮨﻮﺍ ﮨﮯ۔ ‏(ﺍﯾﮏ ﻗﮩﻘﮩﮧ ﭘﮍﺍ ) ﮐﯿﺎ ﺁﭖ ﺍﺏ ﺑﮭﯽ ﺑﻀﺪ ﮨﯿﮟ ﮐﮧ ﻣﯿﮟ ﮐﮭﮍﮮ ﮨﻮ ﮐﺮ ﭘﮍﮬﻮﮞ؟
ﻣﺸﺎﻋﺮﮦ ﻗﮩﻘﮩﻮﮞ ﻣﯿﮟ ﮈﻭﺏ ﮔﯿﺎ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ:*
ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ ﺭﺍﻡ ﭘﻮﺭ ﮐﮯ ﺭﮨﻨﮯ ﻭﺍﻟﮯ ﺗﮭﮯ۔
ﺍﯾﮏ ﺩﻓﻌﮧ ﺳﯿﺘﺎ ﭘﻮﺭ ﮔﺌﮯ ﺗﻮ ﮐﮭﺎﻧﮯ ﮐﮯ ﺑﻌﺪ ﻣﯿﺰﺑﺎﻧﻮﮞ ﻧﮯ ﭘﻮﭼﮭﺎ ﮐﮧ ﺁﭖ ﻣﯿﭩﮭﺎ ﺗﻮ ﻧﮩﯿﮟ ﮐﮭﺎﺋﯿﮟ ﮔﮯ؟
ﮐﯿﻮﻧﮑﮧ ﻣﻮﻻﻧﺎ ﺷﻮﮔﺮ ﮐﮯ ﻣﺮﯾﺾ ﺗﮭﮯ۔
ﻣﻮﻻﻧﺎ ﺑﻮﻟﮯ:
ﺑﮭﺌﯽ ﮐﯿﻮﮞ ﻧﮩﯿﮟ ﻟﻮﮞ ﮔﺎ؟ ﻣﯿﺮﮮ ﺳﺴﺮﺍﻝ ﮐﺎ ﮐﮭﺎﻧﺎ ﮨﮯ ﮐﯿﺴﮯ ﺍﻧﮑﺎﺭ ﮐﺮﻭﮞ؟
ﯾﮧ ﺳﻦ ﮐﺮ ﺳﺐ ﻟﻮﮒ ﺣﯿﺮﺍﻥ ﮨﻮﺋﮯ ﺍﻭﺭ ﭘﻮﭼﮭﺎ ﮐﮧ ﺳﯿﺘﺎ ﭘﻮﺭ ﻣﯿﮟ ﺁﭖ ﮐﮯ ﺳﺴﺮﺍﻝ ﮐﯿﺴﮯ ﮨﻮﺋﮯ؟
ﺗﻮ ﻣﻮﻻﻧﺎ ﺑﻮﻟﮯ:
ﺳﯿﺪﮬﯽ ﺳﯽ ﺑﺎﺕ ﮨﮯ ﮐﮧ ﻣﯿﮟ ﺭﺍﻡ ﭘﻮﺭ ﮐﺎ ﺭﮨﻨﮯ ﻭﺍﻻ ﮨﻮﮞ۔ ﻇﺎﮨﺮ ﮨﮯ ﺳﯿﺘﺎ ﭘﻮﺭ ﻣﯿﺮﺍ ﺳﺴﺮﺍﻝ ﮨﻮﺍ۔
۔۔۔۔۔۔۔۔۔۔۔۔۔۔۔۔۔۔۔۔
‏ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ، ﻣﻮﻻﻧﺎ ﺫﻭﺍﻟﻔﻘﺎﺭ ﻋﻠﯽ ﺧﺎﮞ ﮔﻮﮨﺮ، ﺍﻭﺭ ﺷﻮﮐﺖ ﻋﻠﯽ ﺗﯿﻦ ﺑﮭﺎﺋﯽ ﺗﮭﮯ۔
ﺷﻮﮐﺖ ﺻﺎﺣﺐ ﻣﻨﺠﮭﻠﮯ ﺗﮭﮯ۔ﺍﻧﮩﻮﮞ ﻧﮯ ۵۲۔۵۴ ﺳﺎﻝ ﮐﯽ ﻋﻤﺮ ﻣﯿﮟ ﺍﯾﮏ ﺍﻃﺎﻟﻮﯼ ﺧﺎﺗﻮﻥ ﺳﮯ ﺷﺎﺩﯼ ﮐﺮ ﻟﯽ۔
ﺍﺧﺒﺎﺭ ﻧﻮﯾﺲ ﻧﮯ ﺍﻭﺭ ﺳﻮﺍﻻﺕ ﮐﺮﻧﮯ ﮐﮯ ﺑﻌﺪ ﻣﻮﻻﻧﺎ ﺷﻮﮐﺖ ﻋﻠﯽ ﺳﮯ ﭘﻮﭼﮭﺎ ﮐﮧ ﺁﭖ ﮐﮯ ﺑﮍﮮ ﺑﮭﺎﺋﯽ ﮔﻮﮨﺮ ﮨﯿﮟ ﺍﻭﺭ ﺁﭖ ﮐﮯ ﭼﮭﻮﭨﮯ ﺑﮭﺎﺋﯽ ﺟﻮﮨﺮ، ﺁﭖ ﮐﺎ ﮐﯿﺎ ﺗﺨﻠﺺ ﮨﮯ ﺗﻮ ﻓﻮﺭﺍً ﺑﻮﻟﮯ :
ﺷﻮﮨﺮ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*علامہ اقبال:*
ﻋﻼﻣﮧ ﺍﻗﺒﺎﻝ ﺑﭽﭙﻦ ﮨﯽ ﺳﮯ ﺑﺬﻟﮧ ﺳﻨﺞ ﺍﻭﺭ ﺷﻮﺥ ﻃﺒﯿﻌﺖ ﻭﺍﻗﻊ ﮨﻮﺋﮯ ﺗﮭﮯ۔ ﺍﯾﮏ ﺭﻭﺯ ﺟﺐ ﺍﻥ ﮐﯽ ﻋﻤﺮ ﮔﯿﺎﺭﮦ ﺳﺎﻝ ﮐﯽ ﺗﮭﯽ ﺍﻧﮩﯿﮟ ﺳﮑﻮﻝ ﭘﮩﻨﭽﻨﮯ ﻣﯿﮟ ﺩﯾﺮ ﮨﻮ ﮔﺌﯽ۔ ﻣﺎﺳﭩﺮ ﺻﺎﺣﺐ ﻧﮯ ﭘﻮﭼﮭﺎ: ﺍﻗﺒﺎﻝ ﺗﻢ ﺩﯾﺮ ﺳﮯ ﺁﺋﮯ ﮨﻮ؟
ﺍﻗﺒﺎﻝ ﻧﮯ ﺑﮯ ﺳﺎﺧﺘﮧ ﺟﻮﺍﺏ ﺩﯾﺎ: ﺟﯽ ﮨﺎﮞ، ﺍﻗﺒﺎﻝ ﮨﻤﯿﺸﮧ ﺩﯾﺮ ﺳﮯ ﺁﺗﺎ ﮨﮯ۔
۔۔۔۔۔۔۔۔۔۔۔۔۔۔۔۔۔۔
‏ ﭘﻨﺠﺎﺏ ﮐﮯ ﻣﺸﮩﻮﺭ ﻗﺎﻧﻮﻥ ﺩﺍﻥ ﭼﻮﺩﮬﺮﯼ ﺷﮩﺎﺏ ﺍﻟﺪﯾﻦ ﻋﻼﻣﮧ ﮐﮯ ﺑﮯ ﺗﮑﻠﻒ ﺩﻭﺳﺘﻮﮞ ﻣﯿﮟ ﺳﮯ ﺗﮭﮯ۔ﺍﻥ ﮐﺎ ﺭﻧﮓ ﮐﺎﻻ ﺍﻭﺭ ﮈﯾﻞ ﮈﻭﻝ ﺯﯾﺎﺩﮦ ﺗﮭﺎ۔ ﺍﯾﮏ ﺭﻭﺯ ﻭﮦ ﺳﯿﺎﮦ ﺳﻮﭦ ﭘﮩﻨﮯ ﮨﻮﺋﮯ ﺍﻭﺭ ﺳﯿﺎﮦ ﭨﺎﺋﯽ ﻟﮕﺎﺋﮯ ﮐﻮﺭﭦ ﻣﯿﮟ ﺁﺋﮯ ﺗﻮ ﺍﻗﺒﺎﻝ ﻧﮯ ﺍﻧﮩﯿﮟ ﺳﺮ ﺗﺎ ﭘﺎ ﺳﯿﺎﮦ ﺩﯾﮑﮫ ﮐﺮ ﮐﮩﺎ: ﺍﺭﮮ ﭼﻮﺩﮬﺮﯼ ﺻﺎﺣﺐ، ﺁﺝ ﺁﭖ ﻧﻨﮕﮯ ﮨﯽ ﭼﻠﮯ ﺁﺋﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔
ﺑﻤﺒﺌﯽ ﻣﯿﮟ ﻋﻄﯿﮧ ﻓﯿﻀﯽ ﻧﮯ ﺍﻗﺒﺎﻝ ﺳﮯ ﮐﮩﺎ: ﺍﻗﺒﺎﻝ، ﻋﻮﺭﺕ ﮐﯽ ﮔﻮﺩ ﮐﮯ ﻟﯿﮯ ﺑﭽﮯ ﮐﺎ ﮨﻮﻧﺎ ﺑﮩﺖ ﺿﺮﻭﺭﯼ ﮨﮯ۔
ﺍﻗﺒﺎﻝ ﻧﮯ ﮐﮩﺎ: ﺍﻭﺭ ﻣﺮﺩ ﮐﯽ ﺁﻏﻮﺵ ﮐﮯ ﻟﯿﮯ؟
ﻋﻄﯿﮧ ﺑﻮﻟﯽ -------- ﺷﭧ ﺍﭖ
۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻋﻼﻣﮧ ﺍﻗﺒﺎﻝ ﮐﻮ ﺳﺘﺎﺭ ﺑﺠﺎﻧﮯ ﮐﺎ ﺑﮩﺖ ﺷﻮﻕ ﺗﮭﺎ۔
ﺍﯾﮏ ﺻﺒﺢ ﺳﺘﺎﺭ ﺑﺠﺎﻧﮯ ﻣﯿﮟ ﻣﺤﻮ ﺗﮭﮯ ﮐﮧ ﺳﺮ ﺫﻭﻟﻔﻘﺎﺭ ﻋﻠﯽ ﺍﻭﺭ ﺳﺮﺩﺍﺭ ﺟﻮﮔﻨﺪﺭ ﺳﻨﮕﮫ ﺗﺸﺮﯾﻒ ﻟﮯ ﺁﺋﮯ۔
ﺍﻥ ﮐﻮ ﺳﺘﺎﺭ ﺑﺠﺎﺗﮯ ﺩﯾﮑﮫ ﮐﺮ ﺟﻮﮔﻨﺪﺭ ﺳﻨﮕﮫ ﺑﻮﻟﮯ:
ﮨﺮ ﻭﻗﺖ ﺳﺘﺎﺭ ﮐﻮ ﮔﻮﺩ ﻣﯿﮟ ﻟﯿﮯ ﺑﯿﭩﮭﮯ ﺭﮨﺘﮯ ﮨﻮ۔
ﻋﻼﻣﮧ ﻧﮯ ﻣﺴﮑﺮﺍﺗﮯ ﮨﻮﺋﮯ ﺟﻮﺍﺏ ﺩﯾﺎ:
ﮐﯿﺎ ﮐﺮﻭﮞ ”ﺳﮑﮭﻨﯽ“ ﺟﻮ ﮨﻮﺋﯽ۔
ﺳﺮﺩﺍﺭ ﺻﺎﺣﺐ ﻧﮯ ﺑﮭﯽ ﺑﺮﺟﺴﺘﮧ ﺟﻮﺍﺏ ﺩﯾﺎ:
ﺍﭼﮭﺎ ﮨﻮﺍ ﺁﺝ ﭘﺘﮧ ﭼﻞ ﮔﯿﺎ ﮐﮧ ﺁﭖ ”ﺳﮑﮫ ﺩﮮ“ ﮨﻮ۔
۔۔۔۔۔۔۔۔۔۔۔۔۔۔۔۔۔۔۔۔۔۔
*مرزا غالب:*
ﺍﯾﮏ ﻣﺮﺗﺒﮧ ﺟﺐ ﻣﺎﮦِ ﺭﻣﻀﺎﻥ ﮔﺰﺭ ﭼﮑﺎ ﺗﻮ ﺑﮩﺎﺩﺭ ﺷﺎﮦ ﺑﺎﺩﺷﺎﮦ ﻧﮯ ﻣﺮﺯﺍ ﺻﺎﺣﺐ ﺳﮯ ﭘﻮﭼﮭﺎ ﮐﮧ: ﻣﺮﺯﺍ، ﺗﻢ ﻧﮯ ﮐﺘﻨﮯ ﺭﻭﺯﮮ ﺭﮐﮭﮯ؟ ﻏﺎﻟﺐ ﻧﮯ ﺟﻮﺍﺏ ﺩﯾﺎ م: ﭘﯿﺮ ﻭ ﻣﺮﺷﺪ، ﺍﯾﮏ ﻧﮩﯿﮟ ﺭﮐﮭﺎ۔
۔۔۔۔۔۔۔۔۔۔۔۔۔۔۔۔۔۔
‏ﺟﺐ ﻣﺮﺯﺍ ﻏﺎﻟﺐ ﻗﯿﺪ ﺳﮯ ﭼﮭﻮﭦ ﮐﺮ ﺁﺋﮯ ﺗﻮ ﻣﯿﺎﮞ ﮐﺎﻟﮯ ﺻﺎﺣﺐ ﮐﮯ ﻣﮑﺎﻥ ﻣﯿﮟ ﺁ ﮐﺮ ﺭﮨﮯ ﺗﮭﮯ۔ ﺍﯾﮏ ﺭﻭﺯ ﻣﯿﺎﮞ ﺻﺎﺣﺐ ﮐﮯ ﭘﺎﺱ ﺑﯿﭩﮭﮯ ﺗﮭﮯ ﮐﮧ ﮐﺴﯽ ﻧﮯ ﺁ ﮐﺮ ﻗﯿﺪ ﺳﮯ ﭼﮭﻮﭨﻨﮯ ﮐﯽ ﻣﺒﺎﺭﮐﺒﺎﺩ ﺩﯼ۔ ﻣﺮﺯﺍ ﻧﮯ ﮐﮩﺎ:
ﮐﻮﻥ ﺑﮭﮍﻭﺍ ﻗﯿﺪ ﺳﮯ ﭼﮭﻮﭨﺎ ﮨﮯ۔ ﭘﮩﻠﮯ ﮔﻮﺭﮮ ﮐﯽ ﻗﯿﺪ ﻣﯿﮟ ﺗﮭﺎ۔ ﺍﺏ ﮐﺎﻟﮯ ﮐﯽ ﻗﯿﺪ ﻣﯿﮟ ﮨﻮﮞ۔

‏ﺍﯾﮏ ﺑﺎﺭ ﺩﻟﯽ ﻣﯿﮟ ﺭﺍﺕ ﮔﺌﮯ ﮐﺴﯽ ﻣﺸﺎﻋﺮﮮ ﯾﺎ ﺩﻋﻮﺕ ﺳﮯ ﻣﺮﺯﺍ ﻏﺎﻟﺐ ﻣﻮﻻﻧﺎ ﻓﯿﺾ ﺍﻟﺤﺴﻦ ﻓﯿﺾ ﺳﮩﺎﺭﻧﭙﻮﺭﯼ ﮐﮯ ﮨﻤﺮﺍﮦ ﻭﺍﭘﺲ ﺁ ﺭﮨﮯ ﺗﮭﮯ۔ ﺭﺍﺳﺘﮯ ﻣﯿﮟ ﺍﯾﮏ ﺗﻨﮓ ﻭ ﺗﺎﺭﯾﮏ ﮔﻠﯽ ﺳﮯ ﮔﺰﺭﺭﮨﮯ ﺗﮭﮯ ﮐﮧ ﺁﮔﮯ ﻭﮨﯿﮟ ﺍﯾﮏ ﮔﺪﮬﺎ ﮐﮭﮍﺍ ﺗﮭﺎ۔ ﻣﻮﻻﻧﺎ ﻧﮯ ﯾﮧ ﺩﯾﮑﮫ ﮐﺮ ﮐﮩﺎ:
ﻣﺮﺯﺍ ﺻﺎﺣﺐ! ﺩﻟﯽ ﻣﯿﮟ ﮔﺪﮬﮯ ﺑﮩﺖ ﮨﯿﮟ۔
ﻣﺮﺯﺍ ﻧﮯ ﮐﮩﺎ: ﻧﮩﯿﮟ ﺣﻀﺮﺕ، ﺑﺎﮨﺮ ﺳﮯ ﺁ ﺟﺎﺗﮯ ﮨﯿﮟ۔
ﻣﻮﻻﻧﺎ ﺟﮭﯿﻨﭗ ﮐﺮ ﭼﭗ ﮨﻮ ﺭﮨﮯ۔
۔۔۔۔۔۔۔۔۔۔۔۔۔۔۔۔۔۔۔
*انشا ﺍﻟﻠﻪ ﺧﺎﻥ ﺍﻧﺸﺎﺀ:*
‏( ۱ ‏) ﺟﺮﺍﺕ ﻧﺎﺑﯿﻨﺎ ﺗﮭﮯ۔ ﺍﯾﮏ ﺭﻭﺯ ﺑﯿﭩﮭﮯ ﻓﮑﺮِ ﺳﺨﻦ ﮐﺮ ﺭﮨﮯ ﺗﮭﮯ ﮐﮧ ﺍﻧﺸﺎﺀ ﺁ ﮔﺌﮯ۔ ﺍﻧﮩﯿﮟ ﻣﺤﻮ ﭘﺎﯾﺎ ﺗﻮ ﭘﻮﭼﮭﺎ ﺣﻀﺮﺕ ﮐﺲ ﺳﻮﭺ ﻣﯿﮟ ﮨﯿﮟ؟
ﺟﺮﺍﺕ ﻧﮯ ﮐﮩﺎ: ﮐﭽﮫ ﻧﮩﯿﮟ۔ ﺑﺲ ﺍﯾﮏ ﻣﺼﺮﻉ ﮨﻮﺍ ﮨﮯ۔ ﺷﻌﺮ ﻣﮑﻤﻞ ﮐﺮﻧﮯ ﮐﯽ ﻓﮑﺮ ﻣﯿﮟ ﮨﻮﮞ۔
ﺍﻧﺸﺎﺀ ﻧﮯ ﻋﺮﺽ ﮐﯿﺎ: ﮐﭽﮫ ﮨﻤﯿﮟ ﺑﮭﯽپتا ﭼﻠﮯ۔
ﺟﺮﺍﺕ ﻧﮯ ﮐﮩﺎ: ﻧﮩﯿﮟ۔ ﺗﻢ ﮔﺮﮦ ﻟﮕﺎ ﮐﺮ ﻣﺼﺮﻉ ﻣﺠﮫ ﺳﮯ ﭼﮭﯿﻦ ﻟﻮ ﮔﮯ۔ ﺁﺧﺮ ﺑﮍﮮ ﺍﺻﺮﺍﺭ ﮐﮯ ﺑﻌﺪ ﺟﺮﺍﺕ ﻧﮯ ﺑﺘﺎﯾﺎ۔ ﻣﺼﺮﻉ ﺗﮭﺎ:
ﺍﺱ ﺯﻟﻒ ﭘﮧ ﭘﮭﺒﺘﯽ ﺷﺐِ ﺩﯾﺠﻮﺭ ﮐﯽ ﺳﻮﺟﮭﯽ

ﺍﻧﺸﺎﺀ ﻧﮯ ﻓﻮﺭﺍً ﮔﺮﮦ ﻟﮕﺎﺋﯽ:
ﺍﻧﺪﮬﮯ ﮐﻮ ﺍﻧﺪﮬﯿﺮﮮ ﻣﯿﮟ ﺑﮍﯼ ﺩﻭﺭ ﮐﯽ ﺳﻮﺟﮭﯽ

ﺟﺮﺍﺕ ﻻﭨﮭﯽ ﺍﭨﮭﺎ ﮐﺮ ﺍﻧﺸﺎ ﮐﯽ ﻃﺮﻑ ﻟﭙﮑﮯ۔ ﺩﯾﺮ ﺗﮏ ﺍﻧﺸﺎﺀ ﺁﮔﮯ ﺍﻭﺭ جرات  ﭘﯿﭽﮭﮯ ﭘﯿﭽﮭﮯ ﭨﭩﻮﻟﺘﮯ ﮨﻮﺋﮯ ﺑﮭﺎﮔﺘﮯ ﺭﮨﮯ۔